قررت اتجوز اخيرا على ياتحب ياتفترق

............ قررت اتجووووز اخييييييييرا ............


اليوم
وبالتحديد 1/1/2030 انا قررت قرار خطير قررت اتجوز وبعد طول انتظار انا
قررت اتجوز وهستنى ايه تانى انا النهاردة فى ريعان شبابى يدوب 50 سنة
وهستنى ايه تانى مانا يدوبك لسه محوش تمن الشقة اللى ربنا يمدلنا فى عمره
حسنى مباركعملها

لنا مشروع قومى وثمنها اليوم 200 الف جنيه هو صحيح من 30 سنة كان ثمنها 99 الف جنيه

انما احنا النهارده فين و30 سنة فاتت فين اما احكيلكم حكايتى

انا شاب - طبعا شاب واللى يقول غير كده حخزق -عنيه مؤهلى متوسط ودخلت الجيش وانا

عندى عشرين سنة خرجت من الجيش بقى عندى 22 سنة وبعد سنة واحدة اتعينت

بشركة فى اطار البرنامج الانتخابى للرئيس مبارك وكان مرتبى وقتها 800 جنيه طبعا مرتب

معقول
ولانى مبدخنش ومش بتاع قهاوى كنت بحوش من المرتب 600 جنيه وبعد عشر سنين
بقى عمرى 32 سنة و قدرت احوش72 الف جنيه بس دول اجيب بيهم ايه قلت

استنى واحوش كمان ويمكن اقدر اخد شقة فى مشروع مبارك القومى لاسكان الشباب

اللى
كان وقتها الشقة فيه ب99 الف جنيه وخصوصا ان مرتبى دلوقت بقى الف و 600
جنيه _ خمسة فى عين اللى ما يصلى على النبى_ وبعد خمس سنين كنت قدرت احوش
ال99 الف بس للاسف الاسعار ولعت ولكن للحق انا كمان مرتبى اتضاعف وسعر
الشقة اتضاعف يعنى الشقة بقت ب 200 الف وده برضه فى اطار المشروع القومى
لاسكان الشباب

وتحت توجيهات السيد الرئيس محمد حسنى مبارك اطضريت
اشتغل شغلانة تانية هى صحيح مش ولا بد بس ماهوش عيب ولا حرام المهم وعلشان
ما اطولش عليكم و بعد

عشر سنين تانيين قدرت والحمد لله احوش تمن الشقة وقدمت وحجزت واخدت الشقة

اللى فى برج العرب والحمد لله وتمن العفش حوشته كمان فى خمس سنين والنهاردة جاى

اعزمكم على فرحى عقبالكم كده وتتجوزو زيى بعد عمر طويل ان شاء الله ويدينا ويديكم طولة العمر .
على فكرة ده سيناريو توقعى بعد اللى قريته سعر الشقة فى مشروع مبارك لاسكان

الشباب فى مدينة برج العرب الجديدة 99 الف جنية فقط فقط فقط لا غير

والله يا بلاش ربنا يخلى لينا الرئيس مبارك واولاد الرئيس مبارك ويجعله عامر

لو حصل اي حاجه انا ولااعرفكوا